Sunday, October 28, 2018

શરતો લાગુ એક સારું એન્ટરટેઈનમેન્ટ છે*

ગુરુવારે શરતો લાગુનો સ્પેશીયલ શોમાં જવાનું થયું. સ્ટારડમ તરફ હરણફાળ ભરી રહેલા મલ્હાર સાથે સેલ્ફી અને મિત્રોને મળવાનો મોકો પણ મળી ગયો. જોકે ફિલ્મ એક એક સારું એન્ટરટેઈનમેન્ટ છે *શરતો લાગુ.

* ફિલ્મ એક મરાઠી ફિલ્મ પરથી બની છે. શરૂઆતના સીનમાં ટીપીકલ નાટકની જેમ બુમો પાડી પાડીને બોલવા છતાં કોમેડી નથી નીપજતી તો એ અંગે ફરિયાદ કરવી નહીં.

* મલ્હારનું પરફોર્મન્સ ટોપ ક્લાસ છે એમાં કોઈ શંકા નથી. દિક્ષા વિષે કશું કહેવું નથી શી ખબર આપણને કોઈ વિડીયોમાં ચઢાવી દે! ઘોડા પછી ગધેડાનો વારો ના નીકળી જાય એ પણ જોવું પડે ને?

* ફિલ્મની સ્ટોરીમાં પાણી બચાવવાના અભિયાનમાં લાગેલા ‘સત્યવ્રત’ મલ્હાર પ્રાણીઓની ડોક્ટર એવી ‘સાવિ’ દિક્ષા ભેગા થઈ જાય છે. પછી અન્ય સ્વતંત્ર ઘટનામાં સત્યવ્રત સાવિત્રીને જ જોવા જાય છે અને ત્યાં સાવિત્રી ધડાકો કરે છે. કે લગ્ન પહેલા એ બે મહિના એટલે કે ૬૦ દિવસ છોકરા સાથે રહ્યા બાદ નક્કી કરશે કે આની સાથે લગન કરીશ કે નહીં. જોકે છેલ્લે આ બેના લગન થશે કે નહીં એ અમે કહીશું નહીં કારણ કે અમુક નિષ્ઠાવાન ફિલ્મ જોનારા અથવા એવો દેખાવ કરનારા આને સ્પોઈલર કહેશે. જોકે તમે એન્ડ સાચો ગેસ કરશો તો તમને એક રૂપિયાનું પણ ઇનામ મળશે નહીં.

* હવે જયારે સ્ટોરી કહેવાની જ નથી એટલે ફિલ્મનું જ પિષ્ટપેષણ કરીએ.

* ફિલ્મનું સંગીત અને ગીતો ફિલ્મ પુરા થાય એ પછી યાદ રહે એવા નથી. મ્યુઝીકલ ઓરકેસ્ટ્રામાં જયારે સિંગર બરોબર ના ગાતો હોય ત્યારે તબલા સારંગી વાળા ચઢી બેસે અને ગમે તેમ ગીત પૂરું કરાવે તેમ લાંબા લચક કોમેડી સીન્સમાં તમે થાકી ના જાવ એટલે બેકગ્રાઉન્ડ મ્યુઝીક એટલું જોરથી વગાડ્યું છે કે ક્યારેક ડાયલોગ્સ ના સંભળાય તો કાનને દોષ ના દેવો. મહાન સિંગર્સ અને મહાન સંગીતકારોને એટલું જ જણાવવાનું કે આટલા વર્ષોથી પોપ્યુલર ગીતો એ બન્યા છે જે કોઈ પણ વ્યક્તિ ગાઈ શકે. એવા ગીતો ગુજરાતી ફિલ્મોમાં નથી જ બનતા એ માન્યતા દરેક ફિલ્મ સાથે પ્રબળ બનતી જાય છે.

* ફિલ્મ એટલી સ્લો છે કે બે મહિના સાથે રહેવાની ઘટનામાં ઈન્ટરવલ પડે ત્યારે માત્ર એક જ દિવસ થયેલો જણાય છે. બાકીના ૫૯ દિવસમાં આપડું (આપણું) શું થશે એ વિચારે ઈન્ટરવલમાં નાસી જવાની પ્રબળ ઈચ્છા થઈ આવે તો એને કુદરતી ગણવી.

* ડાયલોગ્સમાંથી કોમેડી, ટ્રેજેડી, ચકરડી-ભમરડી એવું કશું જ સર્જાતું નથી એટલે એની રાહ જોવી નહીં.

* લવિંગીયાની સેરમાં લાલ ટેટા ફૂટે એમ છૂટાછવાયા ચાર-પાંચ વનલાઈનર ફૂટે છે પણ યાદગાર સિક્વન્સ આવશે આવશે એમ કરી અંત સુધી બેસી રહેવું પડે તો ફરિયાદ કરવી નહીં.

* અમુક સીન ફિલ્મમાં ના હોત તો? આવો વિચાર લેખક, એડિટર, ડાયરેક્ટરને કેમ ના આવ્યો? એવું પૂછવું નહીં.

* ફિલ્મમાં રીવરફ્રન્ટ નથી બતાવ્યું એટલે આ ગુજરાતી ફિલ્મ તરીકે માન્યતા પ્રાપ્ત કરશે કે કેમ એ શંકા કરવી નહિ.

* ફિલ્મમાં એક ફાઈટ સીન છે અને એ સારો છે, પણ એ વિષે અમે કહીશું તો પાછું પેલું સ્પોઈલર થઈ જશે. એટલે વધુ પૂછશો નહીં.

* ફિલ્મને પોણા ૪ સ્ટાર આપવાનું વિચારું છું તો એટલીસ્ટ છાપામાં આપણું નામ તો ફિલ્મની જાહેરાત સાથે આવે. પણ સ્ટાર શેના આપ્યા એ નહીં પૂછવાનું.

No comments:

Post a comment